小鳳仙正傳

接近台慶

接近無線台慶，又係時候加把咀……

Keep住馬國明

《蔡鍔與小鳳仙》出奇地好睇，劉松仁同周海媚o既威力真係冇得頂，反觀「無線三『寶』」之一o既梁靖琪真係多謝晒，我硬係覺得佢o的表情就o黎拍得住胡囧囧，相反同樣係女生宿舍o既陳美詩省鏡好多，成個嫰版劉彩玉咁，睇《古靈精探B》不知幾享受呀！固然電視不可盡信，但係如果可以吸引更多人睇，可以畀更多人認識o依o的歷史，總好過孤芳自賞，咁當然大家都要認清事情o既真偽，簡單又易明o既話可以睇o下維基百科http://zh.wikipedia.org/zh-hk/%E8%94%A1%E9%8D%94%E8%88%87%E5%B0%8F%E9%B3%B3%E4%BB%99，偏激o的o既話可以睇o下香港網絡大典http://evchk.wikia.com/wiki/%E8%94%A1%E9%8D%94%E8%88%87%E5%B0%8F%E9%B3%B3%E4%BB%99。

繼天翔哥哥o係08年頭雄霸全日多段時間兩個月之後，今次終於都到馬國明。由《蔡鍔與小鳳仙》o既愛國青年，到《富貴門》o既沙寶來，加埋凌晨o既《律政新人王2》，佢都會連續陪住大家三個月，做o左「特約演員」同埋扮小強幾年，終於o係《非常外父》叫做做個第二男主角，冇吳卓羲、陳鍵鋒同埋黃宗澤一起o係《衝上雲霄》做S4，佢可能重會o係TVB入面繼續浮沉。唔係話攻擊佢，都成三十幾歲，好彩佢o係08年都有幾套電視劇，都有第一男主角做o下，無辦法呀，TVB貪佢夠平，而佢就唔知好彩定唔好彩o勒，電視台派o左徐子珊同佢合作五次，其中四次重要做一對。又講返《律政新人王2》，官恩娜繼續發揮exotic女神o既魅力，飾演《Legally Blonde》o既角色，為大為失色o既第二輯力挽o左我o依一個觀眾，同時亦都為佢o係《超級巨聲》入面唱Endless Love同埋o係

YouTube發現佢唱囍帖街唱得好過謝安琪之後o既蜜月期加倍延長。

萬眾期待十月十九

《宮心計》同埋《富貴門》一定係今年我最期待的台慶劇，由上年等到o依家，終於都望穿秋水。當大家o既焦點都放o係o依兩套重頭劇，我就希望大家亦都留意o下《有營煮婦》同埋明珠台。先講《有營煮婦》，前名叫做《狗吾狗．親親爺爺》，阿Jack雖然超級可愛，但係戲份唔係太夠，《寵物情緣》又或者未出街（或者差少少出到街）o既《老友狗狗》個重點先至係wow wow，至於爺爺，唔係指鍾sir呀嘛？雖然佢絕對夠秤做陳法拉個阿爺，但係劇本佢只係一個老竇，除非阿Jack好似我屋企咁，做陳法拉個仔啦！成日叫人唔好年齡歧視，但係套劇不斷逼你留意，伍詠薇扮45歲，fine，反正佢都係差三歲o者！麥包扮35歲就真係有點兒那個！我一向都覺得現今o既男人始終都係容易keep過女人。但係最離譜o既係何綺雲扮老過麥包o既家姐，簡直係speechless！可能我一向都唔係好識得睇人幾多歲，所以千祈唔好叫我估人幾多歲，我一向都冇概念，hurt親人o地就唔好啦。好似葉念琛話齋，《有營煮婦》o的劇情太散，而且又係無線最無新意o既「三pair劇」，鍾景輝與李司棋、麥長青與伍詠薇、洪天明與陳法拉，反而劇入面最難得o既係o依三pair冇互「界刀」，哈哈哈，有就驚囉！o依套劇最精彩o既地方唔係陳法拉除衫又剝褲，而係放o係《宮心計》o既前面，輕鬆小品，少o左李司棋o既金句眼淚，放o係好heavy o既重頭劇前面卻多o左一份清新o既感覺。

可能係亞視搵o左盧冠廷講環保，搞到無視都要出招，《有營煮婦》o既promo後多o左好多綠色o既植物（正確o的o黎講係西蘭花，可以抗癌），廣告時間又有人講o下乜係「第綠感」，高清翡翠台又重播扮晒去到北極圈o既《冰天動地》，連明珠台都要o係星期一至四狂播環保紀錄片，重要到要將o依o的紀錄片放o係九點半，原本o既美劇都要讓一讓位，放o係八點半播，coincidently都係o係十月十九號開始，個promo重要係懶清新咁個男仔o係到整三文治，加埋三套電影一齊推出，真係咁就係環保？取消《大咕窿》同埋《美女廚房》應該會有更大o既成效。不過都好過冇，唯有祝TVB繼續努力。翡翠台兩套重頭戲太heavy？介紹大家一套美劇：《點到即止》(Pushing Daisies)，等o左好耐終於出season 2啦，十月十九日起星期一晚八點半明珠台，黑色幽默喜劇，我自己就覺得套劇好似專畀大人睇o既童話故事。同《宮心計》撞o左時間？凌晨一點後去MyTV睇返囉！o依家方便o左咁多！冇o左伍詠薇同埋得33集o既《宮心計》好似差咁o的o野咁，不過都有返個謝雪心都好o的。至於《富貴門》，我一向對乜乜門、xx門都好費解，至於久違o既呂良偉、戚美珍，勸大家唔好抱太大期望，前車可鑑o既有陳玉蓮同埋袁詠儀。至於近期o既花旦小生包括羅嘉良同埋郭可盈，當過o左佢o地o既時間，o依家睇返好似睇返重播咁，上年o既《當狗愛上貓》我到要用唔少o既時間先至可以tune返好，定係佢套《創世紀》太令我有好深o既印象呢？o依兩套劇有一個共通點，就係奸角特別多，自從《金枝慾孽》之後，奸角好似變成o左電視劇o既必勝之道，可能o的觀眾都成熟o左，唔會一味咒罵o的奸角，奸角keep住成為焦點。o黎緊o既重頭劇只係得兩三個重要角色唔係奸，睇o黎遲o的維基百科要變成指明邊o的角色係忠就得啦！臨尾提一提大家，中國宮中最高o既職位係「尚宮」，而唔係好似韓國o既「最高尚宮」。連電視頒獎典禮都要就晒兩套台慶劇而褪到年尾，睇o黎《巾幗梟雄》想攞齊視帝視后都幾難。

展望下年

無線拍劇o既效率非常高，永遠都有倉底貨預備，o係馬來西亞同埋其他o既觀眾反而可以睇得多好多。九十年代o既一大堆警匪片將成個警隊各部門都摷晒出o黎拍電視劇。沉靜o左一輪o既警匪片睇o黎下年會輪住上畫：拍完o既《囧探查過界》、拍緊而且有陳慧珊馬德鐘o既《搜下留情》同埋明抄《神探伽利略》o既《談情說案》，重有苗僑偉黃日華o既《刑警》。o黎緊兩套台慶劇之後，大家就要「期待」o既重頭劇應該係《天與地》同埋《巾幗梟雄》原班人馬o既民初版，後者唔駛點講啦，淨係「巾幗梟雄」o依四個字都夠殺，反觀《天與地》就有o的擔心啦，因為又係陳豪林保怡黃德斌陳鴻烈o既「金枝慾孽火舞黃沙珠光寶氣」組合，收視每下愈況，祝大家好運！

綠壩

This video is very lovely and meaningful, from the side other than political

The rest part of the 綠壩, I am not the big fan of it.

你瞭解 韓sir 嗎？

(o岩o岩o係facebook度睇到有o依個test，而Eric Li o既成績係0%)

最後